تاريخ الاضافةتاريخ التعديل
الأربعاء، 13 مايو 2015 08:00:06 م بواسطة ريلام المطيريالثلاثاء، 9 يونيو 2020 12:58:57 ص بواسطة ريلام المطيري
0 935
ست وثلاثينك
تعال عندي لك سواليف وعلوم
ياللي سواليفك على قلبي ضمْاد
الله لايجعل على قلبك هموم
والله لايجعل على عينك إسهاد
جعل الليالي كلها ريح يشموم
لاهي بسودا ياحبيبي ولا شدْاد
وعساك منت من الفرح يوم معدوم
وتضحك لك الدنيا والاحزان تنباد
أي والله أحبك ولو كنت محروم
من وجهك اللي يشبه لفجر الامجاد
وأٌقدرك تقدير غالي ومحشوم
وأعشق ديارك وأنت لي دار وبْلاد
قبلك تمر ايام يومٍ مثل يوم
نفس الليالي كلها شي ينعاد
لكنّ بعدك مابها يوم مشؤوم
صارت ليالييّ معك دايم جداد
على أنّك أحياناً تنسيني النوم
واذا غفيت أغفى على ضيق يزداد
ولا تراضيني ولا تشعر بلوم
وأرجع واراضي نفسي بحب وإجهاد
ياليتني طيرٍ لعب فالسما حوم
أقل حاجه مالي ظروف و قْياد
وآول ما آبدّي فيه بالبال محتوم
بآقف على بابك مسيّر ونشّاد
عجزت لـآ حصي حبك لوين بيدوم
للي الى مالا نهايه و تعداد
كم عمرك البارح وكم عمرك اليوم
ياطول عمرك فيّ ياسيد الاسياد
كل عام وأنت بقلبي أمطار وغيوم
حتى لو أن قلبي من الشوق وقّاد
وماقول في قربي تراك انت ملزوم
لكن لي قلبٍ عليك أنت معتاد
أغار من عمرٍ مضى جعله يدوم
ست وثلاثينك تمنيت تنعاد
من شان آعايش فيك مافات لليوم
لكن ثلاث سنين تسوى لي اعياد
لنْها بكوم وماضي العمر في كوم
لاقبلها فرحه ولا بعدها حداد
ماتشبه الا غيم مُرسل لديموم
لين اصبح الديموم بالديم روّاد
ولا مثل ليلٍ تزيّن به نجوم
لاشفت نجماته تناسيت آلإسْواد
ولا كما لقمه تجي من بعد صوم
ويافرحة الصايم بعد جوع بالزاد
ثلاثه اعوامٍ على الذاكره دوم
اعدها بالضبط من ضمن الاعياد
و (خمسة عشر / خمسه ) بتاريخ ذا اليوم
ميلاد .. قلبٍ .. لي معه دوم ميلاد
إسم الشاعرإسم الكاتبالبلدإسم القسمالمشاهدات
ريلام المطيريريلام المطيريالسعودية☆ دواوين الأعضاء .. عامِّي935
لاتوجد تعليقات