عناوين ونصوص القصائد   أسماء الشعراء 
الشعراء الأعضاء .. عامِّي > السعودية > لفى الهفتاء > على الدوح يا طيرٍ تغنّي

السعودية

مشاهدة
1197

إعجاب
2

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

على الدوح يا طيرٍ تغنّي

على الدوح يا طيرٍ تغنّي .. تغنّي ليه؟
ومن سبّتك كلّن يغنّي على ليلاه
يمرّك خيالٍ ما يجي لك ولو تدعيه
وهذا على شرع المحبّين وش معناه؟
وأنا معك ما أغنّي على غروٍ مْصافيه
أغنّي على وقتٍ بقلبي ركز شلفاه
تأملّت ما حولي وبين اكرهه واغليه
تلاشى بي الثاني والأول على دعواه
معي كل سلوان اقتله وادفنه وارثيه
فلا عاد بي والله حيلٍ على املاحاه
تعلّمت اوجّه واتوجّه بلا توجيه
ودرسٍ بلا تدريس والدرس من ينساه
ترى العرف عرف قلوب ما هو بعرف وجيه
وكلّن بهالدنيا يدوّر على شرواه
وعين الأمل جادت ولو ما تجود ايديه
ويأمل فقير المال دامه غني الجاه
مشى ركبنا وافلان يمديه ما يمديه
حدينا قصيدة مهملة قاف ومْقفّاه
وجينا خلا خالي يهاب الورى واديه
غريبٍ بتصويره وبأهله وبمْسمّاه
أصوّت لمن صوتي من الحق ما يوحيه
على هاتفه جاه اتصالي ولا لبّاه
تقول النشاما ميّت القلب وش يحييه؟
وأنا أقول حيّ القلب وش موّته بالله؟
يجي يذبح العابر وبين الملا يبكيه
ويقطع وريده كل ليلة على ذكراه
عليه أول الموضوع ما هو مثل تاليه
على قول من شرهة يمينه على مخباه
يخبّي ورى صدره كلامٍ ولا يبديه
ومثلي ومثله يعرف البرق من منشاه
ولو ما عرف سرّ البنادم سوى واليه
ولكن على وجهه تعابير عن جوّاه
أعَرْف الصدور قبور والقول عن راويه
ونهر الحقيقة عذب يا من تغَثْرب ماه
واعَرْف النوايا كالمطايا رحيل وتيه
ومنها الفعايل بين واقع ومسْتوْحاه
كثير العلوم حلوم والحلم وش داعيه
والأيام دورة غيب والرجل من مبداه
فلا كل ليلٍ جَنّ راع النيا ساريه
ولا كل من عدّى بظهر الرمَك جهجاه
وسيف الخطا ما هو بذابح سوى راعيه
على صفحة الأيام يا عبرها عبراه
تغرّه هقاويه وتسوقه ندم رجليه
يصادم على وضح النقا راس ما يقواه
كتابه ترى ما انكر نعم سامع بطاريه
ولكنّ ما ربي أمرني عشان أقراه
من العام أقول إن جا لنا فالله يحييه
وأنا فوق راس طويق والسيل في مجراه
وهذا بداية علم والعلم فيه وفيه
بنذبح لعينه كل ذيبٍ يجرّ عواه
وحنا علينا ننتظر منه ما يعنيه
كتابٍ سمعنا عنه لكنّ ما شفناه
لفى الهفتاء
بواسطة: لفى الهفتاء
التعديل بواسطة: لفى الهفتاء
الإضافة: الخميس 2015/03/26 12:25:56 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com