تاريخ الاضافةتاريخ التعديل
الأربعاء، 26 نوفمبر 2014 06:44:45 ص بواسطة ريلام المطيريالأربعاء، 26 نوفمبر 2014 01:49:16 م بواسطة ريلام المطيري
0 878
قويٌ لا رحيم
كل ذكرا جات منك ب احتضار
وكل طعنه جات منك بالصميم
شالك الله من حياة الانتظار
واودع بقلبي من الصبر الحليم
رووح جعلك ماتذوق الانكسار
كان ماتدري ترا وقعه اليم
وماعلى طعناتك بقلبي غبار
يالكريم ابن الكريم ابن الكريم
والله ان قلبي من افعالك بنار
جعل ماتلمسك نيران الهشيم
الظروف احيان تعطيك اختبار
لجل تدري وين موقعك السليم
مين يرحل لـَ اقتحمك الانكسار ؟
ومين يبقا معك لاجاورك ضيم ؟
استهنت البعد لين البعد صار
غبت ماتدري عن الوضع الئيم
وجاي تسال ! ليه تسال ؟ باختصار
منت مثل الشخص الاول والقديم
كنت احاتي .. كل مايطلع نهار
واتوقع رجعتك لـ شفت غيم
وكنت اشوفك بين ضحكات الصغار
باختصار بكل لحظاتي تُقيم
لكّ عندي حب وشعور ووقار
اعظم من الضيف بعيون الكريم
واكبر من الضيق لاضاق المسار
في عيون اللي من اوجاعه سقيم
وافضح من العين لابان احمرار
من نتايج دمع بالليل العتيم
لاتكابر بالـخطا و الاعتذار
كنت دايم في عيوني مستقيم
اوعدك تبقا مثل طبع الكبار
مايهزك ظن وابليس الرجيم
ومو غرور ان قلت لو دجت الديار
ماتلاقي طيب مثلي بالحريم
اسدل الليله على الماضي ستار
كون للذكرا ( قويٌ لا رحيم )
اعترفلك بالهجر حزت انتصار
انت اقوى وانت بالصدة كريم
ولا انا بنتظرك بليل ونهار
وكل ماهبت على قلبي نسيم
ومافقدت الا ثنين وب اختصار
مافقدت الا انت واجواء القصيم
إسم الشاعرإسم الكاتبالبلدإسم القسمالمشاهدات
ريلام المطيريريلام المطيريالسعودية☆ دواوين الأعضاء .. عامِّي878
لاتوجد تعليقات