عناوين ونصوص القصائد   أسماء الشعراء 
الشعراء الأعضاء .. عامِّي > السعودية > ريلام المطيري > قويٌ لا رحيم

السعودية

مشاهدة
1279

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

قويٌ لا رحيم

كل ذكرا جات منك ب احتضار
وكل طعنه جات منك بالصميم
شالك الله من حياة الانتظار
واودع بقلبي من الصبر الحليم
رووح جعلك ماتذوق الانكسار
كان ماتدري ترا وقعه اليم
وماعلى طعناتك بقلبي غبار
يالكريم ابن الكريم ابن الكريم
والله ان قلبي من افعالك بنار
جعل ماتلمسك نيران الهشيم
الظروف احيان تعطيك اختبار
لجل تدري وين موقعك السليم
مين يرحل لَ اقتحمك الانكسار؟
ومين يبقا معك لاجاورك ضيم؟
استهنت البعد لين البعد صار
غبت ماتدري عن الوضع الئيم
وجاي تسال! ليه تسال؟ باختصار
منت مثل الشخص الاول والقديم
كنت احاتي .. كل مايطلع نهار
واتوقع رجعتك ل شفت غيم
وكنت اشوفك بين ضحكات الصغار
باختصار بكل لحظاتي تُقيم
لكّ عندي حب وشعور ووقار
اعظم من الضيف بعيون الكريم
واكبر من الضيق لاضاق المسار
في عيون اللي من اوجاعه سقيم
وافضح من العين لابان احمرار
من نتايج دمع بالليل العتيم
لاتكابر بالخطا والاعتذار
كنت دايم في عيوني مستقيم
اوعدك تبقا مثل طبع الكبار
مايهزك ظن وابليس الرجيم
ومو غرور ان قلت لو دجت الديار
ماتلاقي طيب مثلي بالحريم
اسدل الليله على الماضي ستار
كون للذكرا قويٌ لا رحيم
اعترفلك بالهجر حزت انتصار
انت اقوى وانت بالصدة كريم
ولا انا بنتظرك بليل ونهار
وكل ماهبت على قلبي نسيم
ومافقدت الا ثنين وب اختصار
مافقدت الا انت واجواء القصيم
ريلام المطيري
التعديل بواسطة: ريلام المطيري
الإضافة: الأربعاء 2014/11/26 10:44:45 صباحاً
التعديل: الأربعاء 2014/11/26 05:49:16 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com