عناوين ونصوص القصائد   أسماء الشعراء 
شعراء العامية في العصر الحديث > العراق > كاظم إسماعيل الكاطع > التاجر

العراق

مشاهدة
8910

إعجاب
17

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

التاجر

إتريكت باكت صبر وكلاص هم
وتوكلت يارب عليك
غبشه، نعسانه الشوارع
ومدري يانثيه ابفجر دم تشتهيك
إتذكرت تاجر اعرفه
كلي من اتبيع روحك مرلي بلكت اشتريك
وتمت الصفقه اشتراني
وحصتي هم رد اخذها
فكر ابمشروع بي ادخل شريك
وصار يمليلي ابشروطه
.. ما اريد و .. ما اريد
وما اريد ايدك طويله
كتله اكصرها واجيك
وابترتها من المتن ورجعت ابشره
كتله عد عينك شلتها!!
كالي جا شلي بيك
جراح الحصار
ومن هذاك اليوم والتاجر نسه وسد القضيه
وانه منسي .. امعلك اعله ارفوف صبري
وحتى صار اتراب بيه
راحت ايدي اتفلشت اقوى الدفاعات
وخطوطي الاوليه
ناس مقهوره اجت تبجي عليه
وناس بطرانه اجت تحجي عليه
اشلون غلطه اتسرعت كصيت اديه
.. هاي اديه
.. هاي اديه
صار تفتيش بسنه من السنين
وعوضت عن الهويه
هاي اديه
ياما لعبت .. ياما قبل الريح هبت
ياما بصدور الثلج نيران هبت
هاي اديه
وهيه مكصوصه
شعر للناس كتبت
وصفوا جراح زين ابمنطقتنا
حركوا بعض الرماد ابعود شخاط
وبعدها النار بيه
عفيه جراح الحصار البي حميه
وحده يكدر يكطع الخيط اللي
يربطني ابشرايين المنيه
.. إتفقنا
وصارت الصفقه بعيادة هل الطبيب
اخذ ايد وانطي كليه
وباشر الجراح وتمدد شخص مو من اهلنه
واخذ دم
وجيب دم
واصعد انزل
والوسيط الجابني ايصبر عليه
خلص مفعول المخدر
فتحت ملكيت اديه
حصدوا الكليه ولا زرعولي ايد
وقع الدكتور تقرير ابنسختين وتركنه
ولازم الفراش باب الصيدليه
الكادر اتجمع على اهل الغريب
ايهني بيهم
وانه بالسديه نسوني وياحزن ذيج المسيه
والمضمد راد حكه!!
كتله مد ايدك ابجيبي
لا لا .. مد ايدك ابصدري
يجوز هم تحتاج ريه
جابلي الفراش سر
وعرفت منه تفاصيل القضيه
المريض الجان يمي
كليتي رهمت عليه وايده مارهمت عليه
واهلي زعلوا طردوني من العشيره
ومن فشلتي كمت اصيح
انه مامحتاج ادين
انتوا شعليكم بديه
اتبرعت بيهن لان ما اريد
يوم اتوازى
واتنازل
وامد للناس اديه
كاظم إسماعيل الكاطع
بواسطة: لا تسولفلي جذب
التعديل بواسطة: لا تسولفلي جذب
الإضافة: الأربعاء 2014/10/29 03:27:17 مساءً
التعديل: الأربعاء 2014/10/29 10:43:39 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com