إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
جافيني النوم مدري ليه جافيني؟ |
وجا فيني من الذكريات اللي يكفيني |
ودي بمنهو افضفض له ويسمعني |
واذا سمعني سكت ثم راح عن عيني |
لكن لي الللله رب الخلق، والخالق |
اللي الا من سمعني مايخليني |
واللي ل آخذ شي مني مايقفي به |
لاُبد يومٍ من الايام يعطيني |
ويعطيني أفضل من اللي مآتوقعته |
ويعيد فيني جميع اللي انهدم فيني |
يانسمة الصبح شوفيني مثل مآ آنا |
يمكن نسيتك لو أنك مآ نسيتيني |
ماعاد أحس بشعورك لآ تنفستك |
زفير الانفاس يتغيّر مع سنيني |
والاصدقا رغم كثرتهم، بْ عَثرتهم؟ |
واسيتهم بس منهو من يواسيني؟ |
صديقة مرايتي والصبح والدفتر |
وكل الثلاثه من أصدق مآ رأت عيني |
ان جيت لمرايتي ابكيتها جداً |
اشوفني ثم انادي، ماعرفتيني؟ |
لانسانه هاذي انا، مفروض ترجعلي |
وان مارجعت لي وش اللي بس في يديني |
مرايتي أًصدق من الناس والعالم |
آنا اعرفها كثر مآعرّف انا ويني |
ماعندها قلب، يتغير علي وأزعل |
ولافيه مخلوق يفصل بينها و بيني |
وان جيت للصبح، مدري وين ابدابه |
مع نسمة الصبح؟ ولا لاصحت عيني؟ |
كل الصباحات تجعل مني الاجمل |
وتجعلني انسى جميع اللي حصل فيني |
وكلمة صباحك سعيد ان جات من امي |
ولمحتها في عيون ابوي تكفيني |
تكفيني والله لاخر يوم في عمري |
وبعمري عن كل حاجه لي تغنيني |
أما حبيبي عزيزي صاحبي: دفتر |
من اخر الاصدقاء اللي يوديني |
لاسراري اللي بموت ومآ أسمّعها |
مخلوق، لو انه اقرب من شراييني |
سوالف القلب أجمل تُدفن بقلبي |
واذا طلعت للأسف معاد تعنيني |
تصبح مشاعر ويملكها أحد غيري |
وبآقول ياليت ماقد قلت وشفيني |
بسكّر الدفتر وبسكّر احساسي |
لاشعار اخر مابين احساسي وبيني |
يا أصدقائي ثلاثتكم، انا ابيكم |
ومن دونكم لو رحلتوا يوم مابيني |