تاريخ الاضافة
الخميس، 21 أغسطس 2014 07:00:53 م بواسطة ريلام المطيري
1 994
الاصدقاء الثلاثه
جافيني النوم مدري ليه جافيني ؟
وجا / فيني من الذكريات اللي يكفيني
ودي بمنهو افضفض له ويسمعني
واذا سمعني سكت ثم راح عن عيني
لكن لي الللله رب الخلق ، والخالق
اللي الـا من سمعني مايخليني
واللي لـ آخذ شي مني مايقفي به
لاُبد يومٍ من الايام يعطيني
ويعطيني أفضل من اللي مآتوقعته
ويعيد فيني جميع اللي انهدم فيني
يانسمة الصبح شوفيني مثل مآ آنا
يمكن نسيتك لو أنك مآ نسيتيني
ماعاد أحس بشعورك لـآ تنفستك
زفير الانفاس يتغيّر مع سنيني
والاصدقا رغم كثرتهم ، بْـ عَثرتهم؟
واسيتهم بس منهو من يواسيني ؟
صديقة مرايتي والصبح والدفتر
وكل الثلاثه من أصدق مآ رأت عيني
ان جيت لمرايتي ابكيتها جداً
اشوفني ثم انادي ، ماعرفتيني ؟
لانسانه هاذي انا ، مفروض ترجعلي
وان مارجعت لي وش اللي بس في يديني
مرايتي أًصدق من الناس والعالم
آنا اعرفها كثر مآعرّف انا ويني
ماعندها قلب ، يتغير علي وأزعل
ولافيه مخلوق يفصل بينها و بيني
وان جيت للصبح ، مدري وين ابدابه
مع نسمة الصبح ؟ ولا لاصحت عيني ؟
كل الصباحات تجعل مني الاجمل
وتجعلني انسى جميع اللي حصل فيني
وكلمة صباحك سعيد ان جات من امي
ولمحتها في عيون ابوي , تكفيني
تكفيني والله لاخر يوم في عمري
وبعمري عن كل حاجه لي تغنيني
أما حبيبي عزيزي صاحبي : دفتر
من اخر الاصدقاء اللي يوديني
لاسراري اللي بموت ومآ أسمّعها
مخلوق ، لو انه اقرب من شراييني
سوالف القلب أجمل تُدفن بقلبي
واذا طلعت للأسف معاد تعنيني
تصبح مشاعر ويملكها أحد غيري
وبآقول ياليت ماقد قلت وشفيني
بسكّر الدفتر وبسكّر احساسي
لاشعار اخر مابين احساسي وبيني
يا أصدقائي ثلاثتكم ، انا ابيكم
ومن دونكم لو رحلتوا يوم مابيني
إسم الشاعرإسم الكاتبالبلدإسم القسمالمشاهدات
ريلام المطيريريلام المطيريالسعودية☆ دواوين الأعضاء .. عامِّي994
الثلاثاء، 24 مارس 2020 05:31:10 ص
عاشق الماضي
💔