تاريخ الاضافةتاريخ التعديل
الأربعاء، 16 يوليه 2014 04:38:03 م بواسطة ريلام المطيريالخميس، 17 يوليه 2014 09:41:17 ص
0 723
حيرة الجاني
ماجمعنا دم ، و ديار ، وقرابه
بس كانوا داخلي ، وسط المحاني
كنت اشوف بطلته .. حلم ورحابه
وكنت أحس بضحكته .. لحن وأغاني
وكنت اعاني .. لانظرلي في غرابه
ليت لامنّه نظر لي .. ما أعاني
والله أنه حلم .. قلبي ماحكابه
غير شعري ، يوم شعري ماعصاني
كم خفيت الدمع وأوجعني عتابه
مو عشان الناس .. لا والله عشاني
أستلذيت السكوت وقلت : مابه
شخص وآحد حطّ نفسه في مكانـي
ياضياع الدمع من قبل انسكابه
طيحي من العين لو مره عشاني
حيرة دموعي قبل تنزل تشابه
حيرة الجاني قبل لايكون جاني
لي قلب ومدري من اللي غدابه
كان أحن من الجمود اللي كساني
كان يابه للجروح وكان يابه
للوداع اللي بعده العمر فاني
قسوة المرأة غريبه والغرابه
لاقست في نفسها وبشكل اناني
والتفاني بقلب مكسوّ بصلابه
ودك انه مايعد من التفاني
والشعور ْليا تغيّر بـ آنقلابه
مستحيل يرد ( قلبك الاولاني )
ويش جابه في حياتي ويش جابه ؟
هالسوال ان مر في صدري .. كواني
كل مالديت عيني في .. سحابه
ينرسم لي وجهه اللي مانساني
وتنرسم لي الف ذكرى في غيابه
في غيابه .. ذكرياته شي ثاني
والحدود اللي فصلتني عن جنابه
علمتني من الوفاء ماهو كفاني
علمتني م أحسب لبُعدي حسابه
وسط عينه ، لوّ عينه ماتراني
رحْ وتبقا كل .. مامرت سحابه
رحْ وتبقا ..ثابتٍ بين المحاني
كنت اقرب !! بس ماكنا قرابه
وكنت أجمل آمنيه بين الاماني
حب بين الحدود
إسم الشاعرإسم الكاتبالبلدإسم القسمالمشاهدات
ريلام المطيريريلام المطيريالسعودية☆ دواوين الأعضاء .. عامِّي723
لاتوجد تعليقات