تاريخ الاضافة
السبت، 15 مارس 2014 09:46:58 م بواسطة ريلام المطيري
0 753
حبيت أنبّه !
يارب واحد من عبادك احبه
واشتاقله وأدري بعد ماهو ب جاي
عطني ياربي قوّه اني أكبه
والله عجزت انسى لي أنسان نساي
ان كان يقرا لي تراني احبه
لازال هذا الشخص فيني وجوّاي
أحبه احبه ولو كان حبه
مثل مهو دائي ترا والله دواي
ياكثر ماسولف لنفسي واسبه
ودي بكرهه بس الاحساس خطّاي
هذاك مايكره ولو جف قلبه
هذاك طيبه سالفة كل سرّاي
هذاك قبه تدري شلون قبه
يعني ليامن ضقت بتقول : يمناي
والللله لو اقوللك ويش يشبه
بتقول ودي هالمزايا مزاياي
ياروح عمري ياعبيره وطبه
اشتقت لك وانا من الشوق بكّاي
البعد اذاهو ناار فالشوق شبّه
وبعدي قسم بلله ماهوب برضاي
واموري اللي ماهي بمستتبه
طاحت معاها للأسف كامل اقواي
الله يتب ايدين هالبعد تبه
ماعاد عندي راي ياصاحب الراي
الغيم لامن الهوى لي هبه
اقول ليته ياتي ابّعض احباي
واسهر انا والشاي حتى اتنبّه
واسرح معاك الين مايبرد الشاي
وامشي بعيد بدون داعي وسبه
عشان اناظر صوره بوسط مخباي
الله عليه البال عيّا يذبه
ماكنه الا قلب مخلوق وياي
ابطلب من الله ربي وربه
يسعد حياته كثر ماحقق مناي
وحبيت انبّه بس حبيت انبّه
عن شي حسيته وضاع بحكاياي
كل يوم احبك ياحبيب المحبه
اكثر من الي راح واقوى من الجاي
إسم الشاعرإسم الكاتبالبلدإسم القسمالمشاهدات
ريلام المطيريريلام المطيريالسعودية☆ دواوين الأعضاء .. عامِّي753
لاتوجد تعليقات