لاوالله الا راح وقتي على ماش | |
|
| عمرٍ قضيته بين طيبٍ وتطنيش |
|
نعطي ولانطلب وفا حاضر وكاش | |
|
| واليا عطينا مانتظرنا المطاريش |
|
مانخلف الموعد ولانعضي اللاش | |
|
| وشلون راع الطيب وش عاد او ليش؟ |
|
عشنا وشفنا بالبشر حال الاوباش | |
|
| واليا حكينا قالو الملح والعيش |
|
اصبر وماناشك سوى طل ورشاش | |
|
| غيرك ترى اعظم وانت مع هبة الريش |
|
اللي يشوفك قال: بالوقت ماعاش! | |
|
| والبعض منهم حط بالراس تشويش |
|
عشان يطلع قايل الحق حشّاش | |
|
| اما بلا وعيه او انه من الطيش |
|
تشكيك باسلوب ودنائات غشاش | |
|
| مجّمع عليه الكل من غير تفتيش |
|
أتعدي وسومه عن وهوم ونهاش | |
|
| من غير ماثبت باطل الزور بالديش |
|
دامه يجامل بالحقايق ويعتاش | |
|
| للباطل تشاهد منافق ودرويش |
|
والحق ماله صوت لو باطله طاش | |
|
| جامل وخل الوضع لو فيه تحريش |
|
هذي حياة اللي كما فاس قراش | |
|
| صكات بقعا والصبر بالعه خيش |
|
واللي خلا قلبه من الهم ماحاش | |
|
| مثلي ولايعلم سبب قفلة الشيش |
|
يامن جهل بالحال والوضع بانعاش | |
|
|
|
ماهد عزم شعيل من طاح بفراش | |
|
| ولاتنّثني ساقه قبل فصلة الفيش |
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
