تاريخ الاضافة
الأحد، 17 نوفمبر 2013 08:10:18 م بواسطة حمد الحجري
0 538
يا لِلّه ياللي دايم الدُوم نرجاك
يا لِلّه ياللي دايم الدُوم نرجاك
تفك هللي صارلو حول مسجون
يا باني الدُنيا عَلى سَبعة أَفلاك
وَزاجر بحرها عن الخَلق لا يطوفون
يا حي يا مَعبود يا رَب الأَملاك
يا مَن مرادك جامع الكاف وَالنُون
بجاه النَبي المُصطَفى أَول بداك
وَبِجاه مَكة وَالحَرَم وَاليزورون
تَفك هللي بالسجن هون وَهناك
بِجاه الأَقطاب الأَربَعة وَعلة الكَون
لا صار كُل من لَو لوازيم وَدراك
اِحنا لَزايمنا لَهُم وَقت غابون
لا تَتركونا بَين عجمان وَتراك
يا مَن جَعلكم بِالخَفايا تَعرفون
حنا قَطايعكم بِلا رَيب وَشكاك
وَانتو بخفايا نية العَبد تَرعون
مَدوا لَنا حبل الشَنانير بشراك
وَخانوا بِنا الساساتهم قبل عالخون
حِنا وَقَعنا وَقعة الحُر بشباك
نَطلب مِن اللَه يبدل الشين بالهون
يا راكِباً من فَوق شامور عَلياك
يا بور شيده حروتي الدَرب مَبخون
مِن أَزمير زوع حين حروة معذاك
عقب أَربعة تلفي عبيروت مضمون
اركب عَلى اللي بقطع الدو دهاك
مثل الظَليم ان طالع الزول مَجنون
الظُهر وَانتَ بحروة الشام مَلفاك
يابو رَشيده وقع العلم بفنون
دور مراكزها عَسى اللَه يَهداك
سلم عَلى اللي بعلة القَلب يدرون
يابو حسن مِن يُوم حِنا تَركناك
وَحياة رَبي خالق العال وَالدون
مايوم إِلا هاجس القَلب يَدعاك
وَدُموع عِيني عَالمحادير يرهون
وَأَنا أَرتَجي شُوفة لا مَحياك
بَلكي ليالي البيض ياخي يَلفون
يا علتي إِن كان عَالبُعد مَشحاك
يا نار قَلبي يُوم عَالبال تطرون
يا خي مِن حُمر الطَرابيش حذراك
وَلو عَطوا عقب العَطاوي يَبقون
لَو يفرشوا لَكَ جُوخ ما هوراياك
الشُوك خير مِن الفِراش اليمدون
ساساتهم بنيت عَلى العيب جَزواك
عيال الرَدى لأصلهم ما يَعرفون
اللَه يخلصنا من الحَبس وياك
وَنحلف عَن الخدمة أَلف دين وَضمون
وَصيتها للي قراها مِن الأَملاك
اللي لَهُم مَغدى عَن التُرك يَغدون
وَاختم كَلامي بالنبي الهاشمي ذاك
يَشفَع لَنا يُوم المَخاليق يَقفون
إسم الشاعرالبلدإسم القسمالمشاهدات
شبلي الأطرشلبنان☆ شعراء العامية في العصر الحديث538