شقّ السِفر والقمر سافر ونوره غاب | |
|
| حان السَفر والفراق اللي يسيّرني |
|
وشلون أفارق عيونك يا اجمل الأحباب؟ | |
|
| أنا وش اللي عن عْيونك يصبّرني |
|
زمان عشته غريب ٍ غربة الأصحاب | |
|
| أعطي خفوقي وليت النبض يشكرني!! |
|
كلّ ٍ نساني تقولين الجميع أغراب!! | |
|
| سنين محد ٍ من الأصحاب يذكرني |
|
الدار كانت قبر موحش عليه غْراب | |
|
| زوّاره الليل ونْجوم ٍ تسامرني |
|
اشكيها حال ٍ وهمّ ٍ في ضلوعي شاب | |
|
| و أحكام الأيام تنهاني وتامرني |
|
وما بين صمت ٍ سكن داري ونوح الباب | |
|
| و خوف ٍ منَ أشباح باكر خوف يسْهرني |
|
جيت ِ بفجْر ٍ تناثر مع سناه اطياب .. | |
|
| من الخزامى وصوت طْيور تسحرني |
|
جيت ِ وداري غدت جنّة فرح جذّاب | |
|
| جنّة فرح، فجْر بأنواره ينوّرني |
|
جيت ِ وْ طويت الشقى طيّ الورق ف كْتاب .. | |
|
| ماضي كئيب ٍ يكسّرني وينهرني |
|
جيت ِ بْأمل في عيون ٍ تسرق الألباب | |
|
| جيت ِ بْسعاده تلملمني وتنثرني |
|
يا بنت لولا الأمل ما للحياة أسباب | |
|
| و لولا عيونك حياتي ما تعبّرني |
|
ومهما أسافر أنا وأركب نجِم وشْهاب | |
|
| و ازور كلّ الكواكب ما تحيّرني |
|
راجع ووجهي ورى أهدابك أسير أهداب | |
|
| فرح ٍ بأسري ومن بالحبّ تاسرني |
|
والناس مهما يقولون السفر غلاّب | |
|
| محال طول السفر عنّك يغيّرني |
|