تاريخ الاضافةتاريخ التعديل
الثلاثاء، 23 أبريل 2013 04:55:36 م بواسطة ريلام المطيريالأحد، 1 يونيو 2014 12:00:16 م بواسطة ريلام المطيري
0 1122
الواقع المر
الغيم والصبح والمشتاق وأشعاره
والـدمعه اللـي تناديني والبيـها
والدفتر اللي حوى شعري وأسراره
مكتوب به كل حاجه أحتفظ فيها
هنا جمعت الشعور العذب بأفكاره
أقراني ... بكل صفحة لاتخليها
واعزف على بيوت شعري أجمل أوتاره
وأحفظ حروفـاً ليامن ضقت ترويها
من كثر ماكنت بالاحساس جباره
أحس فيروز تقصدني باغانيها
محتاجه أخرج عن الواقع و إيطاره
مليييت أجامل وجوهٍ مآدانيها
ومليت من كل شيء الا من أخباره
أخباره اللي يهز القلب طاريها
محسوبتك كل يوم تنام محتاره
وأدناة حاجة تزعلها وترضيها
أن جات للجد ماهي فيك منهاره
الواقع المر هو سبه بلاويها
لوكنت تعرف مآسي الشوق واضراره
والله لتترك كويت العز وتجيها
تعال نذكر تفاصيل الزمن تارة
وتارة نخلد معانيها وآساميها
الشارع المسجد الدكان والجاره
كل الامآكن تذكرني بماضيها
من أول الحي لآخر سكة الحارة
احلام طفله تشوفك كل مافيها
جوّد يديها .. ترا الايام غداره
و أحذر على سكة الفرقا توديها
وللحلم حلاوة عندما يصبح الواقع مراً
إسم الشاعرإسم الكاتبالبلدإسم القسمالمشاهدات
ريلام المطيريريلام المطيريالسعودية☆ دواوين الأعضاء .. عامِّي1122
لاتوجد تعليقات