تاريخ الاضافةتاريخ التعديل
الإثنين، 22 أبريل 2013 08:54:30 م بواسطة حمد الحجريالإثنين، 22 أبريل 2013 08:55:47 م
0 1386
صوت المطر ...
للحين صوت المطر لاصب ذكرني
شقاوتي لالعبت بشارع الحاره
ماكان به شيء بالدنيا يضايقني
تو الحزن مانفض في صدري غباره
أشتاق للصبح قبل النور وأغني
أبياته اللي كتبها لي ياساره
وأخبي أوراق شعري مادرى عني
بالمعطف اللي حضن نبضه وأسراره
للحين أحسه بأنفاسي مشاركني
للحين أحبه وروحي منه محتاره
حسبي على كل ذكرى تآخذه مني
وحسبي على قلبي اللي حب وآختاره
ماهزته دمعتي من يوم فارقني
مامر طيفي عليه ولخبط أفكاره
يمكن هو الحين يقراني ويكتبني
ويشوفني لاتغنا الكل بأشعاره
ياقلب لاصرت أمشي لاتوقفني
وليابنيت الصبر لاتهدم اجداره
أدري بأنك وفيت ورحت عاشقني
وآخذك مني الزمان وزحمة أقداره
لكن تأكد ورب الكون خالقني
أني على رجعتك أدوّر الشاره
وش حيلتي والسؤال المر يقتلني
منهو يطمن فؤادن ماطفت ناره ؟؟
عصفورة الحب لاهالحين ماجيتني
ياغيمة الشوق وديني على ادياره
قولي له اشهور والله ماضحك سني
تروح الايام ماجابت لي اخباره
قولي له الطفله اللي تلعب بحضني تهديك جو القصيم وريحة أمطاره
إسم الشاعرإسم الكاتبالبلدإسم القسمالمشاهدات
ريلام المطيريريلام المطيريالسعودية☆ دواوين الأعضاء .. عامِّي1386
لاتوجد تعليقات