الله الله ياللي في ظلوعي وقفت | |
|
| لك ثلاثٍ تلجّ الموحشات تعوي |
|
لو بقى دمع ما قصرت معك وذرفت | |
|
| لو بقى وجد خلّيت القلوب تغوي |
|
بس والله شفت وشفت واجد وعفت | |
|
| وبالسما كل يوم أشوف نجم يهوي |
|
خفف الله كثير من الوجيه وعرفت | |
|
| ماهو بكل من تعرف يسمّى خوي |
|
وإن بالبعد راحه وإنك إليا إكتشفت | |
|
| علّتك فأعجل بميسمك وأرك الكوي |
|
ما يهمّ القلوب المترفه لا نزفت | |
|
| المهم في عيون الناس تبقى سوي |
|
أيه كل الشوارع زفت والوضع زفت | |
|
| خاليه غير من حزنٍ سرى ببدوي |
|
دجت في كل ركن بهالمدينه وطفت | |
|
| وكان أخر حديث لنصايتها .. لوي |
|
إختلف كل شي بهالزمن ما أختلفت | |
|
| أتعامى وأجمّل حالتي وأحتوى |
|
الله الله ياللي كل ما أسلى وقفت | |
|
| من ورى الصدر وأرقبت الضلوع تعوي |
|
والله إني تركتك للزمان وحلفت | |
|
| بس جاب القوي منك الشديد القوي |
|
كانت ليالي وكان الحزن متراهي | |
|
| واليوم عين القصيد بنظرته شايحه |
|
عزّ الكلام وتركت الشعر لأشباهي | |
|
| وأدركت بأن المسامع توحي الصايحه |
|
فأن كان يا مي لاحت بسمتي ماهي | |
|
| رضى ولكن دلالي من سخط فايحه |
|
|
| ما كان هذا العشم بسنيني الرايحه |
|
أخطيت يامي وأدري عذري الواهي | |
|
| ما هو مجمّل ولو حطّيت له لايحه |
|
لله يا أنتي وأنا مغرور متباهي | |
|
| وأعزّ نفسي عن السقّيط والطايحه |
|
ضمّي بقايا غريبٍ حزنه يضاهي | |
|
| حزن النوارس إليا أقفت بالفضا نايحه |
|
لوكنت سامع نصيحه كان لي ناهي | |
|
| لكن لي نفس عن هالخلق متزايحه |
|
الصبر ثوب الفقير وستره الزاهي | |
|
| والشعر معراج روح ودمعةٍ سايحه |
|
وأحسّ به مرّ لا رفرف على شفاهي | |
|
| وإحس نفسي عن التفكير به شايحه |
|
ما يطرب الشعر غير إليا صعب طرقه | |
|
| الهيّنه كل خلق الله لها راعي |
|
ولاّ الشرايد تجي جفله ومفترقه | |
|
| ولا يقنص الفكر غير الشاعر الواعي |
|
فإن كان ما بيّن بعين البشر فرقه | |
|
| خلّيت كثر الحضور وما لها داعي |
|
من أوّل الليل لين تبيّن الزرقه | |
|
| وهو معي وين ما وجّهت بشراعي |
|
كنّي سماه وينوض بداخلي برقه | |
|
| أو كنّه المهتوي والمرقب أضلاعي |
|
يا حادي البوح نوم البارحه سرقه | |
|
| يخمّ عيني وتقنب دونه أوجاعي |
|
ستاير الصبر سمل النور يخترقه | |
|
| بلْيت ولا عاد فيها ينفع رقاعي |
|
غريب أجرجر خطاي وطالت الطرقه | |
|
| متحريٍ كل ليله صرخة الناعي |
|
ما مر في عالمي من غربه ل شرقه | |
|
| فرحٍ يبلّ العروق ولا لفى ساعي |
|
والشعر الأوراق والأوراق محترقه | |
|
| ليتي قبل ما أكتبه دوّرت مطلاعي |
|
البارحه بين حد الصحو والغفله | |
|
| ماهزّني غير صوت الشادي الناغي |
|
يجر له لحن فوق الدوح وأهتف له | |
|
| يا عازف الحي صوتك موجعٍ طاغي |
|
فج الحنايا وخذ قلبي معك شف له | |
|
| جناح يقوى لقلب الغيمه إبلاغي |
|
أبنهمر مثل طعم الحكي من طفله | |
|
| تعلّمت كلمتين وراحت تغاغي |
|
ما كان حزني عشان الخلق تأسف له | |
|
| ولا أسأله وين في تغريبتي باغي |
|
وأحس روحي طريدة مبعده جفله | |
|
| وأحسّه الطهر ويلزّم على إسباغي |
|
وأبلا به الشعر وأغنّيه وأقطف له | |
|
| دمعٍ تعبت أستره في طارف شماغي |
|