 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
الدرب هذا طويل ويتعب الساري
|
خذا من العمر عمر ولا أكتفى مني
|
مقفي مخلّي وراي ربوعي وداري
|
أدوج صدر البسيطه ضيق وأغنّي
|
ألبّس الحزن ما يستر به العاري
|
وأخيط من كبريائي ضحكه ل سنّي
|
هذي هي أخباري اللي مبطي أخباري
|
ما جد عقبك جديد ولا سأل عنّي
|
غير أنت لا جابتك دنياي بالطاري
|
ومريت مثل المطر بالشوق متحنّي
|
تتأكد إنك مقيم بداخل أفكاري
|
وإنك رصيدي .. قصيدي .. ملهمي .. فنّي
|
وتتطمن إنك قدرت بطول مشواري
|
تغيّب الكل وأبقى فيك متعنّي
|
ياسيد الروح لحن الدوح متواري
|
وأغص بالدمع يوم أكتبك لكنّي
|
ما أبكيك لأني على هذا الوله ضاري
|
ولأني خذيت العبر من وقتي ول أني
|
أخاف يدري بك اللي ما هو ب داري
|
وأصير مرمى وصبري يخلف بظنّي
|
وإن طاح ستر الجراح وبارت أعذاري
|
والليل رتّب شناط بعاده وجنّي
|
رماح هذا الصباح وطاحن أقماري
|
ودفنت الأحلام ظلم وصرت به كنّي
|
أدور داخل رحاة الوقت وأشعاري
|
تقتاتها الناس جوع وتطرب ل ونّي
|
الدرب موحش .. طويل وطيفك الساري
|
معاي نقطع فجوج الأرض ونغنّي
|
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
