إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
إصبر علي منصدم روحي بأجمّعها
|
أبطلق أبهام هذا الغبن من نابي
|
إصبر علي باقيٍ دمعه بأودعها
|
من سجن عيني تروح وفدوة أحبابي
|
لو كان عيب الرجال يهل مدمعها
|
لكن وشأقول خان الدمع بأهدابي
|
حاولت أكابر بها لكن نزل معها
|
مع الأسف من حسبته صفوة أصحابي
|
أسكت تراها كبيره لا ترقعها
|
شف خنجر الغدر بيدك ويش سوّابي
|
شف دمي اللي عليه وشوف موضعها
|
لله درّك منيشن صح لأعطابي
|
كنت أذخرك للسنين وسوء طالعها
|
وشلون قبل العدو خنجرك يبدابي
|
دع عنك روحي ودع عنّك مواجعها
|
يطيب هالجرح ولاّ عمر ما طابي
|
في خاطري كلمتين أبيك تسمعها
|
قبل أتوكّل على الله وأعلن غيابي
|
الروح هذي وطن خضرٍ مرابعها
|
وأطهر من أنك تدوس برجلك ترابي
|
ولو تغرب الشمس بعيوني لمطلعها
|
ما أفتح عقب طعنتك للخوّه أبوابي
|
المشكله مو سنيني كيف أرجعها
|
المشكله كنت أحسبك صفوة أصحابي
|