عناوين ونصوص القصائد   أسماء الشعراء 
شعراء العامية في العصر الحديث > مصر > نجيب سرور > البحر بيضحك ليه

مصر

مشاهدة
3348

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

البحر بيضحك ليه

البحر بيضحك ليه ليه ليه؟
وأنا نازل أتدلع أملا القلل
البحر بيضحك ليه ليه ليه؟
وأنا نازل أتدلع أملا القلل
البحر غضبان ما بيضحكش
أصل الحكاية ما تضحكش
البحر جرحه ما بيدبلش
وجرحنا ولا عمره دبل
البحر بيضحك ليه ليه ليه؟
وأنا نازل أتدلع أملا القلل
البحر بيضحك ليه ليه ليه؟
وأنا نازل أتدلع أملا القلل
البحر بيضحك ليه ليه ليه؟
وأنا نازل أتدلع أملا القلل
مساكين بنضحك من البلوة
زي الديوك والروح حلوة
مساكين بنضحك من البلوة
زي الديوك والروح حلو
سرقاها من السكين حموة
ولسه جوا القلب أمل
والبحر بيضحك ليه ليه ليه؟
وأنا نازل أتدلع أملا القلل
البحر بيضحك ليه ليه ليه؟
وأنا نازل أتدلع أملا القلل
البحر بيضحك ليه ليه ليه؟
وأنا نازل أتدلع أملا القلل
قللنا فخارها قناوي
بتقول حكاوي وغناوي
قللنا فخارها قناوي
بتقول حكاوي وغناوي
يا قلة الذل أنا ناوي
ما أشرب ولو في الميّة عسل
البحر بيضحك ليه ليه ليه؟
وأنا نازل أتدلع أملا القلل
البحر بيضحك ليه ليه ليه؟
وأنا نازل أتدلع أملا القلل
ياما ملينا وملينا
لغيرنا وعطشنا سقينا
ياما ملينا وملينا
لغيرنا وعطشنا سقينا
صابرين وبحر ما يروينا
شايلين بدال العلة علل
والبحر بيضحك ليه ليه ليه؟
وأنا نازل أتدلع أملا القلل
البحر بيضحك ليه ليه ليه؟
وأنا نازل أتدلع أملا القلل
البحر بيضحك ليه ليه ليه؟
وأنا نازل أتدلع أملا القلل
في بالي ياما وعلى بالي
وإللى بيعشق ما يبالي
آه في بالي ياما وعلى بالي
وإللى بيعشق ما يبالي
ما يهمينيش مين عزالي
يا حلوة لو مرسالي وصل
البحر بيضحك ليه ليه ليه؟
وأنا نازل أتدلع أملا القلل
البحر بيضحك ليه ليه ليه؟
وأنا نازل أتدلع أملا القلل
البحر بيضحك ليه ليه ليه؟
وأنا نازل أتدلع أملا القلل
بيني وبينك سور ورا سور
وأنا لا مارد ولا عصفور
بيني وبينك سور ورا سور
وأنا لا مارد ولا عصفووووور
بيني وبينك سور ورا سور
وأنا لا مارد ولا عصفور
ده ما بيدي عود قواد وجسور
في ايدي عود قواد وجسور
وصبحت انا في العشق مثل
البحر بيضحك ليه ليه ليه؟
وأنا نازل أتدلع أملا القلل
نجيب سرور
بواسطة
المشرف العام
الإضافة: الخميس 2007/01/25 09:37:33 مساءً
التعديل: الاثنين 2021/07/26 12:23:05 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com