إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
لو بيدّي .. |
ما يمرّ الحزن لحظة في عيونك |
وأجعل الدنيا صفاها مثل لونك |
لو بيدّي .. |
أوهبك سرّ السعادة .. |
اللي عمري ما اكتشفته |
وأعلمك يا ضيّ عيني .. |
اللي عمري ما عرفته |
والله ودّي .. |
لو بيدّي .. |
- |
لو بيدّي .. |
آخذ بيدّك على جسر الأمل .. |
اللي أحرقته بيأسي |
ولا أبين لك يا عمري عبرتي |
مهما كان الوقت قاسي |
لو بيدّي .. |
أحمي عقلك من هوى قلبك بروحي |
بسّ قلبك في ضلوعك |
ليتني أضمّ جرحك مع جروحي |
بسّ كيف أبكي دموعك |
والله ودي .. |
لو بيدّي .. |
- |
باختيارك .. |
لو عجزت ارضي غرورك |
لو عجزت املى شعورك |
لو تبي تمضي بدوني .. |
هذا قرارك |
ما أقول الوداع .. |
ما يقول الوداع الا مفارق |
إنت مني رغم بُعد المفارِق |
ما أقول الوداع .. |
لو تعبت بغربتك .. قلبي لك ترتاح فيه |
تلقى كتفي ينتظر .. راسك تحطه عليه |
انت تدري .. باللي ودّي |
لو بيدّي |