عناوين ونصوص القصائد   أسماء الشعراء 
الشعراء الأعضاء .. عامِّي > السعودية > سطام بن أحمد الحرابي > صرخة ندم

السعودية

مشاهدة
1226

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

صرخة ندم

أنا .. و أنا
وأنا .. و أنا
هالكلمة اللي كلّها كبر و غرور
من قالها ما يراعي لخله شعور
إلاّ أنا .. إلاّ أنا
بقولها مكسور .. بالحيل مكسور
أنا اللي ما ذقت الحياة .. إلا بك أنت
وأنا اللي روحي تتبعك .. وين ما كنت
يا من بحسنه يجرح البدر بالنور
أنا ملكتك و ضعيتك بأفعالي
أنا توقعتك اللي بحاجة وصالي
مغرور ..
مغرور ..
كل ٍ يحبك و ثمّن قدرك الغالي
كلّ ٍ فرش ورد المحبة بدربك
كلّ ٍ عرف وشلون يبقى بقلبك
إلا أنا .. إلا أنا
أنا صرخة ندم .. و ياليت الندم ينفع
وأنا دمعة ألم .. و ياليت الألم يشفع
يردك يا بعد كلّي
أضمك في عيوني فدوتك ..
وأغفي تحت ظلّي
بس اللي راح ما يرجع
أنا ياما جرحت إحساسك العذب بكبر و إصرار
وإصراري وضع بينك و بيني حاجز ٍ من نار
ودلّيتك بنفسي للفراق دروب
وأسباب ٍ بها ما أنطق بكلمة
تعذبني و لا أبدي سوى البسمة
أنا القاسي ..
وأنا نسّيتك الرحمة
أنا ملكتك و ضعيتك بأفعالي
أنا توقعتك اللي بحاجة وصالي
يا أنا .. كم أكرهك
كره الأمل للموت
أجمل سنيني معك
حطيتها ف تابوت
اختلط يومي و باكر ويّا أمسي
أكره أفكارك
أكره آرائك
أكره أشعارك
آه .. يا أنا
وش بقى؟ صرت آتكلّم ويّا نفسي
وش بقى؟ ..
راح اللقا .. و حلّ الشقا
يا حبيبي ليتك تشوف اللي يبكيك
كيف عايش، كيف يصبح، كيف يمسي
وهو دايم يقول ..
أنا ملكتك و ضعيتك بأفعالي
أنا توقعتك اللي بحاجة وصالي
مغرور ..
مغرور ..
كل ٍ يحبك و ثمّن قدرك الغالي
كلّ ٍ فرش ورد المحبة بدربك
كلّ ٍ عرف وشلون يبقى بقلبك
إلا أنا .. إلا أنا
سطام بن أحمد الحرابي

31/03/2007
التعديل بواسطة: سطام بن أحمد الحرابي
الإضافة: الخميس 2013/04/25 02:44:46 مساءً
التعديل: الخميس 2013/04/25 11:33:39 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com