على الله رزق ابن آدم محد بيموت من جوعه | |
|
| وأنا شاعر على الدنيا..ترفّع عن مواطيها |
|
يصلّي الفرض والسنّه وتدمع عين لخشوعه | |
|
| مهما شاف من دنياه ما يخضع ويشكيها |
|
يصوغ ابيات تلو ابيات من بحره وينبوعه | |
|
| تردّدها كثير اصوات تلحّنها وتغنيها |
|
ألا يا بدر والشهره لكل الخلق مشروعه | |
|
| وأشوف اسخف نواياكم بدت تظهر خوافيها |
|
يدين اللاش ما تنمدّ .. مبتوره ومقطوعه | |
|
| حرمها الله فزعتها ووقانا من مساويها |
|
اذا لي شهره ولي صيت تصير الصبح مذيوعه | |
|
| تقدّمها انت لا عادت ولا عادت مواريها |
|
من قبلي لقيت ان القصايد فيك مخدوعه | |
|
| صداقه حفنةٍ لتراب ظنّي ما تساويها |
|
اذا شيمة رفيق الدرب وا عزّاه منزوعه | |
|
| وقاني خالقي بأتفه مواقف ينعرف فيها |
|
أنا لي عزوه وجمهور يعَزف الود مقطوعه | |
|
| قصيدة هاجسي تطرب مسامعهم قوافيها |
|
وأنا اقلامي عن اسفاه العرب يا بدر مرفوعه | |
|
| تصادفني كثير اصناف اطنّشها واجلّيها |
|
وخدّ الغدر أبتقدّم .. وأبتوازن .. وأبآصوعه | |
|
| واقلّه رح بلا صحبه يا عمّي روح سرّيها |
|
تبختر يا قصيدي حيل بأسوّي منك موسوعه | |
|
| يشبّ النار يا عيني يدوّر من يطفّيها |
|
تشبّث يا قصيدي زيد واحرق سالف طبوعه | |
|
| مواقفنا رجوليّه .. تثبت صدق اهاليها |
|
ومن يقدِم على خطوه .. تعيبه نيّة رجوعه | |
|
| وهبوبي هبّت وينسف سفيه القوم سافيها |
|